Asal-Usul Turunan Jampangkulon

"Iling-iling alang-alang geremet ngarayah manah nyebar sakujur awak”.
Satiap tempat anu aya di bumi ie tangtu ngabogaan asal-usul jeng carita sajarah na masing-masing. Nya kitu deui dina postingan ie sim abdi bade ngajabarkeun, nyaritakeun, ngabuka sacara singkat carita bener ngeunaan asal mula rahayat jampangkulon, anu ayeuna jadi salah sahiji kacamatan di kabupaten Sukabumi.
Sim abdi tangtu ngadamel ie postingan teh lain ngan saukur rekayasa wungkul, tapi sim abdi kenging ngumpulkeun tina carita kolot baheula jeng sajarah tulisan anu tos di hartikeun ku para ahli na anu di narasumberan ku Asep S. Permana sareng putra na Endar S. Permana anu mangrupakeun turunan asli ti luluhur Jampang Kulon.
Ceuk Asep “Brak mangka nyampak nu disungsi ti kamari ayeuna mangkana salse urang bukakeun lalangse”. Ari turunan Jampangkulon eta turunan ti Fatimah Binti Muhammad SAW. Anu nikah sareng Sayyidina Ali Bin Abi Thalib. Putra ti Abu Thalib mamang na Kangjeng Rasul, Ali bin Abi Thalib ngagaduhan anak-cucu anu berpengaruh dina zamana dugi ka turun ka Syarif Hidayatullah (Sunan Gunung Jati) anu ngagaduhan putra Seykh Maulana Hasanudin sareng cucu na anu namina Seykh Maulana Yusuf  anu mangrupikeun bapak ti Syekh Maulana Muhammad (Sultan Banten) ngagudah buyut Sultan Fatah (Sultan Ageng Tirtayasa) dugi ka Rd. Mas Surawijangga (Embah Emas).
Tah ieu silsilahna :
1. Ali bin Abi Thalib
2. Husein bin Ali
3. Ali Zaenal Abidin
4. Muhammad Al Bakir
5. Ja’far As Sidiq
6. Ali Al Araidi
7. Muhammad An Naqib
8. Isa An Naqib
9. Ahmad Al Muhajir
10. Ubaidillah
11. Alwi bin Ubaidillah
12. Muhammad bin Alwi
13. Alwi bin Muhammad
14. Ali Halil
15. Muhammad Sahib Marbat
16. Amir Abdulmalik
17. Abdillah Syahan Syah
18. Ahmad Syeh Jalal
19. Maulana Jamaluddin (Husen)
20. Ali Nurul Alam
21. Abdullah Umtanuddin (Raja)
22. Syarif Hidayatullah (Sunan Gunung Jati)
23. Maulana Hasanuddin
24. Maulana Yusuf
25. Maulana Muhammad (Sultan Banten)
26. Abu Mafahir
27. Abu Maali Ahmad
28. Sultan Fatah (Sultan Ageng Tirtayasa)
29. Rodin Rum (Pangeran Papak)
30. Rd. Aria Adipati Jagabaya (Dalem Sawidak)
31. Rd. Mas Surawijangga (Embah Emas).
Kudu bangga ku turunan rahayat Jampangkulon sabab Allah SWT masihan nikmat mangrupikeun turunan ti Rasulullah SAW. Sareng anak cucu ti para ulama sareng raja.
Para Bupati Ciamis Saatos Adipati Jayanagara1. Rd. Adipati Arya Panji Jayanagara/ Rd. Yogaswara/ Mas Bongsar (1636-1678). Dimakamkeun di Ciwahangan Girang.2. Rd. Adipati Arya Anggapraja (1678). Teu kantos lami janten bupati kusabab alimeun ngahiji jeung VOC.  Dimakamkeun di Pakuncen.3. Rd. Adipati Anggananya (1678-1693). Dimakankeun di Ciwahangan Hilir.4. Rd. Adipati Sutadinata (1639-1706), dimakamkeun di Gunung Ardilaya.5. Rd. Adipati Kusumahdinata I (1706-1727). Dimakamkeun di Majagandalor.6. Rd. Adipati Kusumahdinata II (1727-1732). Dimakamkeun di Majaganda Kidul Gegempalan.7. Rd. Aria Adipati Jagabaya/ Dalem Sawidak (1732-1751). Dimakamkeun di Tanjung Manggu.8. Rd. Adipati Kusumahdinata III (1751-1801). Dimakamkeun di Gunungsari Imbanagara9. Rd. Adipati Natadikusumah (1801-1806).10. Adipati Suryapraja (1806-1811). Dimakamkeun di Gunung Sari Imbanagara. Dina zaman Gubernur Jendral Daendels tahun 1811 diganti ku Jansen kusabab Daendels dianggap teu mampu ngalawan serangan Inggris dibawah kapemimpinan Gubernur Jendral Raffles. Terus dina zaman kapamimpinan Raffles dilakukeun perubahan-perubahan wilayah administrasi di Galuh. Kabupaten Galuh Imbanagara kudu nyerahkeun wilayah Pasirpanjang, Manonjaya, Cijulang, Padaherang, jeng Kawasen supaya dihijikeun ka wilayah Kabupaten Sukapura termasuk wilayah-wilayah Nusakambangan, Sidareja, Majenang, Dayeuhluhur, Pagadingan. Wilayah timur Citanduy Kabupaten Ciamis dihijikeun ka Banyumas.11. Rd. Tumenggung Jayengpati Kartanagara (1811-1812).12. Rd. Tumenggung Natanagara, asal ti Cirebon (1812).13. Rd. Pangeran Sutawijaya (1812-1815), asal ti Cirebon.14. Rd. Tumenggung Wiradikusumah (1815-1819). Dimakamkeun di Cigadung Imbanagara. Anjeuna anu ngatur pusat pamarentahan kabupaten Galuh ti Imbanagara ka Ciamis. Ngaran Kabupaten Galuh Imbanagara diganti jadi kabupaten Galuh. Dina zaman ie pamarentahan di Jawa tos dikuasai deui ku Belanda jeng (Gubernur Jendral Van der Capellen).15. Rd. Adipati Andikusumah (1821-1839). Dimakamkeun di Gunung Galuh Imbanagara. Dina zaman ieu Kabupaten Kawali jeng Kabupaten Panjalu asup ka wilayah administratif  Kabupaten Galuh.16. Rd. Adipati Arya Kusumahdiningrat (1839-1886). Dimakamkeun di Jambansari Ciamis.17. Rd. Adipati Kusumahsubrata (1886-1914). Dimakamkeun di Sukasirna Ciamis.18. R.T.A. Sastrawinata (1914-1935). Dina zaman ieu Kabupaten Galuh diganti jadi Kabupaten Ciamis.19. R.T.A. Sunarya (1935-1944) asal ti Sukapura. Dina tahun 1939 daerah-daerah Kewedanaan: Banjar, Pangandaran, dan Cijulang anu awalna asup ka wilayah Kabupaten Sukapura dihijikeun ka wilayah Kabupaten Ciamis.20. Rd. Ardi Winangun (1944-1946). Mantan Bupati anu mimpin saatos kamerdekaan Indonesia. Ti Galuh Imbanagara Alkisah, Rd. Mas Surawijangga (Embah Emas) nyaeta putra Adipati Jagabaya, terkenal ku sebutan Dalem Sawidak, diangkat jadi Wedana di Panjalu Imbanagara Ciamis.Rd. Aria Adipati Jagabaya Bupati Galuh, dina zaman pemberontakan Pangeran Diponegoro (1825-1830), Galuh jeng Panjalu dibere parentah ku Mataram anu dina waktu eta dina kakuasaan Belanda, supaya nyiapkeun pasukan jang ngahadang pasukan Diponegoro di sisi wahangan Citanduy.Rd. Mas Surawijangga nolak parentah eta terus akhirna kumpulan jeng dulur-dulurna. Hasil musyawarahna, jadi hiji kaputusan pikeun pindah (lain kabur kusabab sieun) ku cara susumputan. Rombongan anu kabur jumlahna kurang lebih 40 kaluarga, ditambah opat saderek na, tilu saderek pameget, hiji saderek isteri. Berangkatna ngaliwatan jalur laut di laut kidul Pulau Jawa, Hanjat di Cilauteureun, saterusna laleumpang mapay wahangan Cikaso ka arah girang, tug nepi ka hiji jamatan. Saderek na anu opat diantarana :
1.      Anu Isteri ngantunkeun di perjalalan, sareng dimakamkeun di Teluk Jati, di sisi wahangan Cikaso.
2.      Saderek pameget Anu kahiji anu nami na Rd. Mas Martanagara, netep di kampung Karadenan, anu ayeuna ngaran Cibitung. Saatos maot terus dimakamkeun di Karang Bolong (Hutan Lindung Jati/ Leuweung Tutupan Jati)
3.      Saderek anu kadua Rd. Surianatamanggala, alias Eyang Santri Dalem, netep di Cigangsa dugi ka akhir hayatna. Anu ayeuna sok disebut Embah Cigangsa.
4.      Saderek anu katilu anu nami na Rd. Bratadikusumah alias Embah Bungsu (Nami asli Bratadikusumah aya dina perbendaharaan sastra Bapak Ikin Ardisoma anu tempatna di Peuntas, anu ayeuna ngaran Purwasedar Jampangkulon),
Dulur lalaki anu katilu Rd. Bratadikusumah alias embah Bungsu netep di Girangna wahangan Cicurug Pamerangan (ayeun kampung Purwasedar 2) di daerah leuwi Cicurug Rd. Mas Surawijangga ngabebetah nyalira jeng netep di Paimbaan (ayeuna Panimbaan) sareng di makamkeun di pamakaman umum Pasir Pulus Jampangkulon.
Ngaran Cicurug Pamerangan dirubah ngarana ku tokoh Pangeran Jampang Manggung, salah sahiji putra Residen Cianjur anu ngabagi tanah Jampang jadi tilu wilayah :
1.      Jampang Tengah  Pusat kotana  di Cimerang, anu ayeuna ngaran Bojonglopang, dicepeng ku Rd. Puradibrata.
2.      Jampang Wetan, awal mula pusat pamarentahana aya di Sukanagara Cianjur, dicepeng ku Rd. Bratamanggala.
3.      Jampangkulon, awal pusat kotana di Kebon Kacang, pindah ka Waluran, terakhir dipindahkeun ka Cicurug Pamerangan, ayeuna Jampangkulon.
Syahdan, ramana Bupati Galuh, kacida kacewa na terangeun putrana kabur, sabab Panjalu kosong (Vacum of Power). Teras anjeuna miwarang Senopati Brajanata (saderek misan Rd. Mas Surawijangga), supaya nyusul Raden Mas anu mendak wartos aya di daerah Cicurug Pamerangan/ Jampang, teras Rd. Brajanata nyuhunkeun supaya Rd. Mas uih deui ke Imbanagara sakumaha parentah rama na. Tapi sadugi na di Jampang, Rd. Brajanata ngaraos betah di Jampang, anu akhirna anjeuna teu uih deui ka Imbanagara.Wallahu A’lam Bisshowab.
 Akhir tina sajarah/carita baheula memang pasti kaget. Tah sakitu anu katulis tentang Asal-Usul turunan Jampangkulon. Hapunten tina lepat na, carita anu diluhur kadang tiasa leresna atanapi mungkin lepatna, anu pasti satiap hiji perkara pasti aya asal-usulna.

Posted in: Sajarah