Carita Pajampangan

Ari di daerah Sukabumi belah kidul ( Jampang Kulon) eta teu lepas tina sesa-sesa karajaan sunda cara Kenekes.

Anu asal ti baheula na ti Raja Sunda Galuh ka 23 Prabu Bunisora/Prabu Kuda Lalean/Prabu Borosngora/Prabu Guru Pangandiparamarta Jayadewabrata (1357-1371 M). Anu dimana dina waktu keur anom na kantos janten tukang tapa/resi anu sakti di daerah jampang, gelarna Batara Guru.

Ti raja ieu gaduh turunan urang Sunda Galuh anu kahiji nganut agama Islam nyaeta Bratalegawa ( H. Baharuddin Al-Jawi/ H. Purwa, Purwa = kahiji)

Tina hasil ngolah diri ku tapa/semedi supaya make elmu eta geus biasa dimana lamun hayang komunikasi kucara batin, tapi teu sambarangan jalma bisa ngalakukeun kana ieu pagawean, sok sanajan maneh na boga hak kusabab geus pernah neuleuman kana eta elmu. Singkatna dina ieu elmu nyaeta bisa dikuasai ku jalma-jalma anu pilihan

Ari carana ngabingbing kana eta elmu tetep ku makhluk, tapi keukeuh eta mangrupakeun hidayah anu kabeh oge kudu ngaliwatan proses pamikiran jeng katekunan, kasabaran sijalma eta pikeun nyokot hiji kaputusan.

Pikeun jalma-jalma baheula mah ngalakukeun kitu jeng loba elmu mangrupakeun hal anu wajar, ibarat jalma ayeuna anu make pakean lengkep, boh calana atawa baju na.. lengkep pan??

Mulang deui kana jalur carita diluhur, Dijampang aya hiji jalma anu jago kana silat, ngarana Pih Uki, anjeuna murid ti Gan Igung anu waktu eta ngajabat janten sesepuh kaum Sukabumi. Gan Igung ieu nyaeta murid ti Mama H. Ibrahim (Cuma dideu teu jelas, nami Mama H. Ibrahim ieu teh duka maksudna Mama H. Ibrahim Cikalong atawa sanes, sabab nurutkeun carita ti murid-murid na oge yen Mama H. Ibrohim kenging elmu silatna saatos puasa, teras kenging bimbingan ti makhluk Gaib (Jin) anu ngarana eta Jin teh Bangkara-Bangkari.

Ari Pih Uki eta netep jeng jadi hiji Gurubesar silat di Surade satuntasna ngelehkeun jawara-jawara anu aya di daerah Pajampangan jeng daerah anu lain na, jeng anu kasebut silat ti Pih Uki ieu nurutkeun carita murid-murid na nyaeta Jurus Lima ( ngan saukur Lima Jurus Dasar), anu dimana inti tina Jurus Lima ieu pikeun miceun serangan musuh, jeng ngarobohkeun musuh ku ngagunakeun tanaga musuh. Sedengkeun pikeun lengkah na disebut Gilir Badan ( gerak maju atawa mundur ku cara kasisi pikeun ngahindarkeun teunggeulan atawa tajongan musuh). Sedengkeun cara anu lain na anu terkenal nyaeta Gomel ( Sok biasa disebut Ulin Rasa) kucara leungeun urang jeng musuh teh pacekel-cekel, lamun urang anu nyekel leungeun musuh maka moal leupas, tapi lamun musuh nyekel leungeun urang maka gampang leupas na.

Pikeun jalma anu geus nguasai kana eta cara lain ngan saukur bisa ngonci gerakan lawan, malah bisa mabetkeun awak musuh, jeung biasa na latihan Gomel ie dilakukeun dina posisi diuk sila. Jeng hiji ciri Pih Uki ieu dimana ngarobohkeun musuh cukup ku saramo ( Hiji jari), jeung anjeuna mah dimana rek ngalawan musuh teh tara make kuda-kuda sabab ceuk anjeuna mah ari kuda-kuda teh bakal mere nyaho arah serangan, sahingga musuh bisa awas. Cara lain anu diajarkeun ka murid-muridna dimana lamun dikoroyok ti ungal arah nyaeta ku Jurus Jambe ( teu patos jelas cara na kumaha Jurus Jambe), malah sering pisan Pih Uki mayunan serangan teh bari posisi calik. Pikeun ukuran anjeuna cara anu digunakeuna tos kana permainan rasa jeng kecepetan leungeun anu hanteu bisa diturutan ku panempo panon biasa.

Nurutkeun hiji carita ti muridna, pernah waktu anjeuna keur miceun hadas gede, aya anu nyumpit ( jarum make paser) ku muridna, tapi eta jarum sumpit na teh bisa ditewak ku panangana.

Malah aya carita ti aki abdi, dina hiji kumpulan murid-muridna ( kabeh murid na tos teu aya lawan di pajampangan) hayang nyoba elmu guruna nyaeta Pih Uki, terus dina kaayaan calik Pih Uki soca na ditutupan ku lamak (kain) (anu masangkeun lamak na oge malah aki abdi) terus dikepung ku 5 urang ti ungal juru make bedog (golok), tapi dina kaayan posisi calik kitu gerakan pih Uki teu aya anu ningalieun kabeh murid na anu nyerang tadi nyaho-nyaho sing galubrak lalabuh patumpuk-tumpuk, malah aya anu nyangsang kana pager, sedengkeun bedog-bedog na ngajajar rapih di payuneun Pih Uki.

Dimana aya jalma anu hayang nyoba ka anjeuna, sok ditanya heula naha rek maen kasar atawa halus, biasa na lamun menta jurus anu halus anu nyoba na sok labuh kana taneuh, tapi lamun menta na jurus kasar maka pasti kapeclengkeun tur cilaka.


Ari murid-murid na anu kasohor dina waktu eta keur angkatan kahiji nyaeta :

1.      Aa Cicih (Lurah Bangbayang Jampang, sok sanajan pinter silat
pih Uki teu tiasaeun Penca, anu dimana Aa Cicih
nyiptakeun jurus-jurus goyang penca jang kabutuhan pakaulan).
2.      Pih Udin ( Adi Misan pih Uki)
3.      Pih Ja'i (anjeuna asalna ti Banten terus ngalalana jeng diajar silat di Surade, terus ngalalana dei jeng nyekel  daerah di Tanjung Priuk)
4.      Pak Sulaeman (anjeuna ti Cikarang Sagaranten, rahasia-
rahasia jurus kanyahoan ku anjeuna sabab ti mimiti ngorana sok milu-milu jeng sok nyekelan tas anggoan Pih Uki upami nuju ngalalana).

5.      Haji Sirod (Surade - Jampang)
6.      Bang Se'an ( manehna urang betawi, anu asalna jauh-jauh ti betawi hayang ngajaran ngajajal elmu Pih Uki, tapi tong bori ku Pih Uki na ku murid na oge Haji Sirod maneh na roboh, terus ngaguru ka Pih Uki.
7.      Kang Acung (anjeuna anu nyebarkeun jurus di daerah Ciselut -
Sagaranten)
8.      Guru Badli (Citanglar- Surade, anjeuna murid Aa Cicih pikeun goyang penca anu pang alus na gerakanana)
9.      Pa Syafei (anjeuna nyaeta putrana pih Uki jeng anu diwarisan rahasia-rahasia jurus lima)



Sedengkeun pikeun angkatan kadua (1960-an) anu sakapendak ku abdi nyaeta :

1.      Pa Dayat (Mantan Lurah Gunung Guruh Sukabumi, dina waktu ngora na anjeuna juara Silat Penca nalika aya pakaulan di padepokan Sukabumi) saatos pangsiun ngalih ka Surade, jeng aya sapalih carita yen anjeun nulis-nuliskeun jurus lima
2.      Pa Guru Sadeli (Mantan kepala sekolah SD Cikangkung- Surade,
anjeuna murid langsung ti haji Sirod tur nyampurnakeun jurus di Pih Uki, terus ku cara na sorangan ngarubah tatacara jurus lima ahirna ngabogaan ciri khas jurus sorangan). Ngan hanjakal pisan saatos pupus Pa Syafei henteu jelas kasaha jurus ieu diwariskeuna.

Salian ti eta masih keneh seueur murid-murid Pih Uki, boh anu langsung diajar silat na ti Pih atanapi diajarkeun dei ti murid-muridna. Mung sim abdi teu patos tarerang, kumargi mung sakitu carita anu ku abdi kakuping ti sepuh, aki abdi.

Posted in: Sajarah